Од полноќ, нови цени на горивата

t

Дизел горивата од ноќеска на полноќ поевтинуваат за еден до 1,5 денари за литар, а цената на бензините се зголемува за исто толку, одлучи денеска Регулаторната комисија за енергетика и водни услуги (РКЕ). Со одлуката се врши зголемување на малопродажните цени на нафтените деривати во просек за 0,23 отсто.

Малопродажната цена на ЕУРОДИЗЕЛ (Д-Е V) се намалува за еден денар за литар, а на Екстра лесното масло за домаќинство (ЕЛ-1) за 1,5 денари за литар, додека малопродажната цена на бензинот ЕУРОСУПЕР БС-95 се зголемува за еден, а на ЕУРОСУПЕР БС-98 за 1,5 денари за литар. Така ЕУРОДИЗЕЛ БС (Д-Е V) ќе се продава за 73, Екстра лесното масло за домаќинство (ЕЛ-1) за 72, ЕУРОСУПЕР БС – 95 за 82, а ЕУРОСУПЕР БС – 98 за 84,5 денари за литар.

Со одлуката на РКЕ за 0,550 денари за килограм се зголемува и малопродажната цена на мазутот и ќе изнесува 37,628 денари.

Од РКЕ посочуваат дека референтните цени на нафтените деривати на светскиот пазар во споредба со претходната пресметка бележат зголемување кај бензините во просек за 4,09 отсто, кај дизелот има намалување за 1,04 отсто, кај екстра лесното масло за 1,718 отсто, а кај мазутот има зголемување за 3,306 отсто. Курсот на денарот во однос на доларот во споредба со претходната пресметка е понизок за 1,028 отсто.

ПОВРЗАНИ ВЕСТИ

УАПСЕНИ СЕ УШТЕ ТРОЈЦА СРБИ, пренесува Канцеларијата…

Канцеларијата за Косово и Метохија соопшти дека…

Арсовска потврди: Славевски се потпишувал во име…

Трајко Славевски се потпишувал на списокот на…

(Во живо) Арсовска: И покрај сите опструкции…

Реализирани се преку 50% од проектите предвидени…

(Во живо) Мицкоски е способен за навреди,…

Кога гледате од која кујна доаѓаат сите…

ЕКСКЛУЗИВНО – Арсовска: Немам бугарско, имам чешко…

Трагично е некој кој има бугарски пасош…