Објавено на:

Орбан е клучен за иднината на христијаните и христијанството: Додик му се заблагодари на унгарскиот премиер

t

Членот на Претседателството на Босна и Херцеговина од Република Српска, Милорад Додик, пред два дена испратил писмо до унгарскиот премиер Виктор Орбан за да му ја честита изборната победа, за која рече дека е „одлична за Србите од РС“, јавија денеска босанските медиуми.

Додик му напишал на Орбан дека ја поддржува неговата политика за забрана на влез на мигранти од арапските земји и оти го смета за клучен за „иднината на христијаните“.

„Се согласувам со вас дека со одобрената имиграција, Европа исто така работи на укинување на својата биолошка иднина заснована на христијанските вредности и принципи… Унгарија препозна дека вистинскиот начин за биолошко обновување на нацијата е нејзината зголемена стапка на наталитет, а не увозот на луѓе од други култури, цивилизации и нехристијански вери. Република Српска ги препознава овие вредности како свои и во границите на своите можности“, напиша Додик.

Тој наведува и дека му се восхитува на Орбан токму затоа што во срцето на Европа се спротивставува на западните ставови, пренесува сараевскиот портал Кликс.

Се восхитуваме на вашата храброст и одлучност што Унгарија дава поддршка на мултилатералните организации чиишто членка е само до степен до кој тоа не му наштети на унгарскиот народ и неговата иднина“, напиша тој.

„Благодарение на институциите на РС, БиХ не воведе санкции кон Русија ниту застана на страната на Украина, без разлика колку сочувствуваме со страдањата на Украинците. Ние веруваме дека за нас е најмудро и најхумано да бидеме неутрални, да бидеме на страна на мирот и дијалогот“, напиша Додик.

На крајот, тој изразил задоволство што Орбан на свеченоста на објавувањето на новиот мандат го посочил српскиот народ како пријателски.

Додик и официјално се потпиша како „српски член на Претседателството на БиХ“, што, како што потенцира Кликс, е непостоечка уставна категорија.

ПОВРЗАНИ ВЕСТИ

Тетовец пукал на свадба, а сватовите му…

Тетовската полицијата информира дека половина час пред…

Русковска: Муареми не си даде оставка, туку…

Обвинителката Вилма Русковска во денешната изјава за…

Бурна свадба во Тетовско: 60-годишник пукал од…

Тетовската полицијата информира дека половина час пред…

(Видео) Еве како ќе изгледа мега паркот…

Општина Ѓорче Петров ќе добие МЕГА ПАРК…

Полицајка и постар маж повредени во судирот…

Вчера во 08:35 часот било пријавено дека…