Османи: Земјите од Западен Балкан сè уште се борат да го најдат своето место меѓу развиените западни демократии

t

Министерот за надворешни работи, Бујар Османи, во рамки на Преспа Форумот за дијалог, беше домаќин на работниот појадок на високи претставници од регионот во форматот Б6, како и петте специјални претставници за Западен Балкан од САД, ЕУ, Обединето кралство, Германија и Австрија: заменик помошникот државен секретар на САД за европски и евроазиски прашања, Габриел Ескобар, Мирослав Лајчак, Сер Стјуарт Пич, Мануел Сарацин и Јоханес Ајгнер.

„Земјите од Западен Балкан сè уште се борат да го најдат своето место меѓу развиените западни демократии, отпорни на глобалните предизвици. Сè уште ни недостасува одговор на некои од најитните отворени прашања со кои се соочува регионот, со цел поттикнување на суштинските дебати за економското закрепнување и просперитетот на Западен Балкан“, нагласи Османи.

Во тој контекст беше Б6 претставува автентична иницијатива способна да обезбеди брза директна комуникација за сите прашања што ги засегаат земјите од регионот.

Соочени со руската инвазија во Украина, регионалната соработка станува уште позначајна, особено во однос на демонстрирањето заедничко политичко лидерство и европско единство. Засилената регионална соработка и заедништво треба да бидат важни елементи на заедничкиот решителен настап кон ЕУ, поврзано со идното членство во Унијата.

Ваквиот состанок е особено значаен за зајакнувањето на регионалната соработка, особено што ова претставува прв пат клучните претставници за Западен Балкан да седнат заедно на иста маса.

Иницијативата Б6 беше иницирана во рамки на минатогодишниот Преспа форум за дијалог во формат на министри за надворешни работи, со цел воспоставување непосредна и ефикасна комуникација за прашања од регионален интерес. Особено е значајна силната американска поддршка што беше демонстрирана во рамките на Стратешкиот дијалог со САД, што неодамна се одржа во Вашингтон.

Денешниот работен појадок е трет организиран состанок во рамки на форматот Б6.

ПОВРЗАНИ ВЕСТИ

Шпански весник: Меси се враќа во Барселона?!

Шпанскиот спортски дневен весник „Diario sport“ пишува…

Вардар поразен од Целје: Струшкиот турнир има…

Струшкиот ракометен турнир кој летово се одржува…

Стејт департментот тајно го предупредил Конгресот за…

Стејт департментот тајно го предупреди американскиот Конгрес…

Утре е Преображение Господово: Ова се народните…

Православна црква и нејзините верници утре го…

Кина забрзано купува злато: Увозот најголем во…

Кина забрзано купува злато. Кина купила повеќе…