Османи повтори: Топката е кај Република Бугарија

t

Министерот за надворешни работи, Бујар Османи, учествуваше на првата седница на формалниот Совет за надворешни работи на ЕУ со министрите од Западен Балкан. Османи порачал дека на Бугарија е да го искористи политичкиот момент за спас на кредибилитетот на ЕУ во регионот.

За прв пат денеска шесте министри за надворешни работи од земјите на Западен Балкан беа поканети да бидат дел од редовниот формален Совет за надворешни на министрите на ЕУ. Тема на средбата беше војната во Украина, нејзините последици и влијанието на Русија во регионот.


Министерот Османи, за МИА изјави дека пред неговите колеги од ЕУ предупредил на економските и политичките последици од овој конфликт во регионот, како и потребата да се спаси кредибилитетот на ЕУ токму во овој момент, со тоа што ќе се деблокира процесот на преговори со Македонија. За македонската страна на потег е Бугарија, Македонија исполни сѐ што беше побарано од неа.

-Ќе повторам, топката е во Република Бугарија. Република Бугарија треба да одлучи дали ќе го искористи овој момент за целиот регион после овие случувања во Украина, дали ЕУ ќе преземе стратешко лидерство во регионот. Република Северна Македонија беше конструктивен партнер во овие разговори, во исполнувањето на овие критериуми. Се плашам дека може да се изгуби овој момент што го имаме сега. И како што реков на самиот Совет за надворешни работи, најголемиот подарок за Русија ќе биде токму уривање на кредибилитетот на ЕУ во регионот, изјави Османи за МИА и потенцираше дека во овој момент нема договор меѓу двете страни којшто може да биде основа за потпишување на некаков договор, туку дека се разгледуваат начини да се вклопат различните пристапи во сеопфатно решение.

Ова Османи го изјавил денеска пред 27-те министри на ЕУ, меѓу кои и бугарската министерка, Теодора Генчовска, која, според изворите на МИА, не покажала флексибилност на денешниот состанок.

Во случај повторно Бугарија да ја блокира Македонија во јуни, Османи вели дека ќе треба “да седнеме и да видиме“ како понатаму.

ПОВРЗАНИ ВЕСТИ

Петков постави невозможни услови за формирање влада:…

Кирил Петков постави неостварливи услови за формирање…

Владата чека нов француски предлог, ама можно…

Францускиот предлог спорното прашање не го стави…

(Фото) Бугарски претставници положија цвеќе пред возобновениот…

„За да бидеме ефикасни и добри сојузници,…

Дрзок однос на бугарското МНР: Северна Македонија…

Бугарското Министерство за надворешни работи го повика…

Османи: Може и да не добиеме нов…

Министерот за надворешни работи Бујар Османи вечерва…