Пад на цената на нафтата на светските берзи

t

Цените на нафтата на меѓународните пазари паднаа поради најновите податоци кои укажуваат на забавување на активноста во кинескиот и јапонскиот индустриски сектор, а со тоа и на изгледите за глобалната побарувачка на нафта.

Цената на барел нафта на лондонскиот пазар падна за 1,42 долари во однос на петокот, на 102,55 долари. На американскиот пазар барелот се тргуваше по пониска цена од 1,85 долари, од 96,77 долари.

Мерките за ограничување на движењето поради ширењето на заразата со коронавирус го запреа краткото закрепнување на фабричките активности во Кина, најголемиот увозник на сурова нафта во светот.

Јапонската производна активност, пак, во јули порасна со најниска стапка во последните десет месеци.

Цените на нафтата во Лондон и на американскиот пазар го завршија јули со втора последователна месечна загуба за прв пат од 2020 година, бидејќи зголемената инфлација и повисоките каматни стапки ги зголемуваат стравувањата од глобална рецесија, која ја намалува побарувачката за гориво.

Организацијата на земјите извознички на нафта (ОПЕК) и сојузниците, вклучително и Русија, заедно познати како ОПЕК+, ќе се состанат в среда за да одлучат за производството на групата во септември

ПОВРЗАНИ ВЕСТИ

Расте цената на нафтата, се намалува цената…

Природниот гас во Европа утрово падна за…

Русија веќе нема да истражува нафта кај…

Руската компанија „Новатек“ планира да се повлече…

Падна цената на нафтата на светските берзи:…

Цените на нафтата од утрово паѓаат. На…

Нов пад на цените на нафтата на…

Цените на нафтата паднаа денеска на меѓународните…

Цената на нафтата падна под 100 долари…

Цените на нафтата благо пораснаа во средата…