Папата: Лаењето на НАТО пред портите на Русија може да е причината за конфликтот

Причината за ескалирањето на кризата во Украина би можеле да бидат дејствата на НАТО во близина на руската граница, изјави папата Франциско за италијанскиот весник Кориере дела сера, а пренесува бриселски Политико.

Поглаварот на Римокатоличката црква кажа дека претпоставува дека разгорувањето на конфликтот го предизвикало „лаењето на НАТО пред портите на Русија“.

„Не знам дали гневот бил испровоциран, но можно е да бил поттикнат“, кажа папата Франциско.

Папата изрази спремност да отпатува во Москва за да се сретне со претседателот на Русија Владимир Путин и да помогне во решавањето на ситуацијата околу Украина.

Share on Facebook

Tweet

Follow us

Save