Песков: Западот дефакто ни објави војна

Соединетите Американски Држави де факто водат економска војна против Русија, изјави портпаролот на Кремљ, Дмитриј Песков, коментирајќи ја изјавата на американскиот државен потсекретар за политички прашања Викторија Нуланд дека од гледна точка на САД „гамбитот во Украина е стратешки неуспех за Путин“.

„САД, несомнено, објавија економска војна против Русија и тие ја водат оваа војна. Да, де факто тоа е токму она што е“, рече претставникот на Кремљ.

Во одговор на прашањето какви се шансите Москва да не ја загуби оваа војна со оглед на тоа што САД се обидуваат да го вклучат целиот свет во санкции против Русија, прес-секретарот на Путин рече дека е неопходно да се направи „тоа што на најдобар начин одговара на нашите интереси“. Тој одби да открие какви било детали за можните одмазднички санкции.

На 24 февруари, рускиот претседател Владимир Путин во телевизиско обраќање рече дека како одговор на барањето на шефовите на републиките во Донбас, тој донел одлука да спроведе специјална воена операција со цел да ги заштити луѓето „кои страдаат од злоупотреба и геноцид од режимот во Киев во текот на осум години“. Рускиот лидер истакна дека Москва нема планови за окупација на украински територии. По ова, САД, ЕУ, Велика Британија и голем број други земји најавија воведување санкции против руски правни и приватни лица.

Можноста Украина да ги користи воените аеродроми на други земји е непожелно и потенцијално опасно сценарио, изјави портпаролот на рускиот претседател Дмитриј Песков.

„Министерството за одбрана веќе ја објасни можноста Украина да користи некои аеродроми за слетување борбени авиони. Тоа е многу непожелно и потенцијално опасно сценарио“, коментираше Песков за планот на Полска да и обезбеди борбени авиони на Украина.

Министерството за надворешни работи на Полска во вторникот објави дека Варшава е подготвена да ги стави на располагање своите ловци МиГ-29 на САД и да ги пренесе во воздухопловната база Рамштајн. Од своја страна, Пентагон соопшти дека не го смета за разумен предлогот на Полска да се користи базата на НАТО за испраќање авиони во Украина.

Share on Facebook

Tweet

Follow us

Save