Повеќе од 13.000 работници не го добиле законски загарантираниот “минималец” , најголем дел во приватен сектор

t

Во земјава 13.444 работници не го добиле законски гарантираниот миниималец од 18.000 денари, покажуваат податоците на управата за јавни приходи, објави „Денар“, иако тие изработиле полно работно време за цел месец.

Најголемиот дел од работниците или 11.437 лица биле вработени во приватниот сектор. А, на 2.007 лица државата не им ја исплатила загарантираната минимална плата. Тие биле вработени во јавниот сектор, покажуваат бројките.


„УЈП ќе прави дополнителна анализа на податоците за да го утврди бројот на фирми на кои работници не им била исплатена минимална плата. Потоа ќе го извести Државниот инспекторат за труд“, информираат од Управата за „Денар“.

„Согласно обработените податоци, кај 13. 444 работници е исплатена плата помала од 18.000 денари за месец март 2022 година. Од нив 11.437 вработени се од приватен сектор, а 2.007 лица се вработени од јавен сектор за кои се поднесени и исплатени МПИН со нето плата помала од 18.000 денари. Овие податоци се од поднесени и платени МПИН пресметки при што пресметковно нето-основицата е сведена на работно време за цел месец и истите ќе подлежат на дополнителни анализи, со цел да се утврди вистинската бројка на ДО кои исплатиле плата под минималната плата, и по направена детална анализа ќе се извести Државниот инспекторат за труд со цел нивно постапување во делот за исплата на плата под минимална плата“, одговориле за „Денар“ од УЈП.

Според податоците, најголем дел од работниците кои не добиле минимална плата за март работеле во фризерски салони и салони за разубавување, во дејноста одржување и поправка на моторни возила, но ги имало и од сметководство, даночно советување, транспорт…

„Најголем дел на работодавачи кои исплатиле плата под минималната се од дејностите: фризерски и салони за разубавување, одржување и поправка на моторни возила, сметководствени и книговодствени ревизорски работи, даночно советување, товарен и патен транспорт, трговија на мало во неспецијализирани продавници за храна и пијалоци, тутун, ресторани, објекти за подготовка и послужување на храна, производство на друга горна облека“, одговорија од УЈП.

До здружението „Гласен текстилоец“ пак стигнале првите поплаки од вработени текстици. Така, околу 1.000 лица пријавиле дека во 7 компании не им била исплатена минимална плата за март, или добиле за 1.000-2.000 денари помалку од минималната загарантираната од 18.000 денари. Други пак 970 работници пријавиле дека добиле 18.000 денари, но само нив- без додатоците на плата.

ПОВРЗАНИ ВЕСТИ

Од што ќе живеат тие луѓе? 27.167…

Мајската плата се уште ја чекаат 27.167…

ССМ до пратениците: Ќе блокираме се додека…

Во знак на револт и поддршка на…

Едвај се крпи крај со крај, инфлацијата…

Поскапувањето на цените на храна и горивата…

Или покачување или ќе следува нов генерален…

Сојузот на синдикати на Македонија поднесе предлог-амандман…

ССМ: Ако нема зголемување на платите во…

Сојузот на синдикати на Македонија (ССМ) од…