Објавено на:

Последните анкети во Франција пред претседателските избори: Макрон сериозно загрозен од Марин Ле Пен

t

Една недела пред првиот круг на претседателските избори во Франција, Емануел Макрон ја продолжува изборната трка во водство според новата анкета на Опинион 2022, спроведена од институтот Елабе за БФМТВ, Експрес и СФР, објавена денеска, јави дописникот на МИА од Париз.

Според анкетата, претседателот во заминување е кредитиран со 28,5 отсто од намерите за гласање, за 0,5 поени повеќе. Зад него, Марин Ле Пен продолжува да напредува и има 22 отсто од испитаниците или 1 поен повеќе од минатата среда. Жан-Лук Меланшон, по неколкунеделниот напредок, сега е на третото место со 15 отсто, пад од 0,5 поени.


Потоа следуваат Ерик Земур и Валери Пекресе кои продолжуваат да паѓаат во анкетите. Двајцата кандидати губат по 1 поен и сега покажуваат 9,5 отсто и 8,5 отсто, соодветно Јаник Жадот има 4,5 отсто од анкетираните, многу блиску до важниот резултат од 5 отсто за неговата партија Европа Екологија-Зелени, што значи покривање на трошоците за предизборната кампања.

Зад него е Фабиен Русел, комунистичкиот кандидат кој доби 3,5 отсто од анкетираните и поврати еден поен во споредба со истражувањето на Елабе од средата. Следат Жан Ласал и Николас Дипон-Ењан, двајцата со 2,5 отсто, потоа Филип Путу и Ан Идалго. Кандидатката на социјалистите е кредитирана со само 1,5 отсто од гласачите, колку и кандидатот на Новата антикапиталистичка партија. На последно место Натали Арто, од Работничка борба, со само 0,5 отсто од гласовите на испитаниците.

Според оваа анкета, веројатното сценарио на вториот круг ќе биде меѓу Емануел Макрон и Марин Ле Пен, со резултат од 53 отсто наспроти 47 отсто. Ова е за 0,5 поени подобро за шефот на државата во споредба со последното истражување објавено во средата.

Неколку дена пред првиот круг на претседателските избори, 63 отсто од Французите велат дека се апсолутно сигурни дека ќе излезат на гласање, односно 2 поени повеќе за два дена, додека 15 отсто сериозно размислуваат за тоа.

ПОВРЗАНИ ВЕСТИ

Македонците од Албанија го одбележаа 24 Мај…

Етничките Македонци од Пустец и Албанија денеска…

Руска веб-страница: Елитата е разочарана од Путин…

Медуза, независната руска веб-страница за вести, објави…

Силен земјотрес ја стресе Грција вечерва

Силен земјотрес ја стресе Грција вечерва. Според…

Убиени 210 нацисти, деминиран Мариупол: Брифинг на…

90-ти ден од руската специјална операција во…

Костов: На 24 мај сите сме писмени,…

На 24 мај сите сме писмени, само…