Потона подморница во Црвеното Море, има загинати

Се претпоставува дека во подморницата имало околу 40 туристи.

Стравувањата се дека најмалку шест лица загинале, додека деветмина се повредени, откако туристичка подморница потонала во близина на брегот на египетскиот град Хургада во Црвеното Море во четвртокот рано утро, пренесува BBC. Други 29 лица се спасени. Повредените, вклучувајќи четири лица во критична состојба, се пренесени во блиските болници. Се претпоставува дека во подморницата имало околу 40 туристи.

Станува збор за подморницата „Синдбад“, која потонала блиску до пристаништето. „Синдбад“ веќе неколку години организира туристички патувања во областите на Хургада. Компанијата им овозможува на туристите да патуваат 25 метри под вода за да ја истражуваат „500 метри корални гребени и нивните морски жители“.

Ова не е прв инцидент во Хургада. Во ноември, туристичкиот брод наречен „Sea Story“ потона, а 11 лица загинаа или исчезнаа. Тогаш египетските власти катастрофата ја припишаа на голема бранска бранa од четири метри, но BBC разговараше со преживеаните кои рекоа дека имало проблеми со безбедноста.

Share on Facebook

Tweet

Follow us

Save