Почнаа револуциите за храна во светот

Со цените на стоките кои достигнуваат дневни рекорди, а цените на храната далеку ги надминуваат нивоата забележани во историската 2011 година како резултат на падот на рускиот и украинскиот извоз на храна…

Gеополитичките стратези се се погласни со прашањето кога ќе се појават глобалните протести за храна и ќе почнат да соборуваат нестабилни – или можеби стабилни – влади ширум светот во реприза на револуциите на Арапската пролет од 2011 година. кога започна широко распространето јавно незадоволство како резултат на зголемените цени на храната.

Се чини дека одговорот е „сега“, бидејќи како што пренесува Ал Џезира, во средата избувнаа протести во сиромашниот југ на Ирак поради порастот на цените на храната што официјалните лица го препишаа на конфликтот во Украина. Овде, во изминатата недела, цената на маслата за јадење и брашното вртоглаво пораснаа на локалните пазари, а владините претставници се обидуваа да го решат зголемениот гнев со различни изјави и мерки.

Денес, јавната фрустрација од овие забегани цени конечно зовре, и повеќе од 500 демонстранти се собраа во средата на централниот плоштад во јужниот град Насирија – точка на удар на антикорупциски протести што ја зафатија земјата во 2019 година.

„Порастот на цените нè дави, без разлика дали се работи за леб или други прехранбени производи“, рече пензионираниот учител Хасан Казем за новинската агенција АФП. „Едвај врзуваме крај со крај“.

Во вторникот, ирачката влада најави мерки за да се спротивстави на зголемувањето на меѓународните цени. Тие вклучуваат месечен надоместок од околу 70 долари за пензионери чии примања не надминуваат еден милион динари (речиси 700 долари), како и државни службеници кои заработуваат помалку од 500.000 динари (343 долари). Надлежните најавија и суспензија на царините за прехранбени производи, основни производи за широка потрошувачка и градежни материјали за два месеци.

Портпаролот на локалното министерство за трговија Мохамед Ханун го припиша порастот на цените на маслото за јадење на конфликтот во Украина. Навистина, како што забележавме минатата недела, огромни 70% од египетската пченица е во форма на увоз на Украина и Русија, увоз кој сега е на неодредено време стопиран.

Министерството за внатрешни работи објави дека уапсило 31 лице обвинети за „покачување на цените на прехранбените производи и злоупотреба на граѓани“. Демонстрант во Насирија во средата ја осуди „алчноста на трговците кои манипулираат со цените“.

„Постои голема глобална криза бидејќи Украина има голем дел од [светскиот пазар на масла за готвење]“, рече тој. Во вторникот, еден демонстрант беше тешко повреден во демонстрации во централната провинција Бабил, кои беа проследени со насилство, изјави извор од безбедносните сили.

Иако некои ќе бидат спремни да го отфрлат ова како само уште еден протест на третиот свет, потсетете се дека Арапската пролет во 2011 година имаше слични несреќни почетоци додека Мохамед Буазизи не се самозапали во декември 2010 година и умре неколку недели подоцна, во процесот на лансирање на каскада од востанија низ регионот од кои многу доведоа до крвави револуции и невиден геополитички пресврт.

Share on Facebook

Tweet

Follow us

Save