Приведени утре три лица за терористичкиот напад во Москва!

Безбедносните сили привеле во Москва, Екатеринбург и Омск уште тројца имигранти од Централна Азија кои учествувале во терористичкиот напад во Крокус, информира Централниот оперативен центар на ФСБ на Руската Федерација.
„Федералната служба за безбедност на Руската Федерација во градовите Москва, Екатеринбург, Омск приведе еден руски државјанин и двајца странски државјани – имигранти од централноазискиот регион, кои беа вклучени во терористички напад, извршен на 22 март 2024 година, во комплексот Crocus City Hall“, се наведува во соопштението.

ФСБ успеа да утврди дека „двајцата уапсени префрлале пари за набавка на огнено оружје и возила за терористички напад“. Третиот регрутирал соучесници во терористичкиот напад и ги финансирал неговите извршители.

Според последните информации, бројот на загинатите во терористичкиот напад во „Крокус сити хол“ изнесува 144 лица, од кои шест се деца, а 551 лице се повредени. Во нападот осум деца ги загубија двајцата родители.

Share on Facebook

Tweet

Follow us

Save