Протест на дел од наставниците, најавуваат порадикални чекори доколку не им се исполнат барањата

Дел од просветните работници денеска организираа протестен марш во центарот на Скопје, незадоволни се од најавите за спојување на повеќе предмети, но и од ниските плати.

Според претседателот на Независниот синдикат за образование и наука, Томислав Гиевски „во моментов во секторот образование има нездрава работна атмосфера и ние сме тука да укажеме дека социјалниот дијалог е сведен на нула, дека условите за работа не се баш сјајни“.

-Секогаш ние сме ставени на маргините, не се почитуваат колективните договори во делот на додатоците, платата константно доцни, во последниве 20 години никогаш не е исплатена во законски предвидениот краен рок, додал Гиевски.

Причината за спојувањето на предметите, според него, е само да не ги решат проблемите на просветните работници.

Од НСОН велат дека денешниот протест е само предупредување доколку не се исполнат нивните барања во скоро време најавуваат порадикални чекори.

Share on Facebook

Tweet

Follow us

Save