Радев најавува дека ќе го блокира секое можно решение во Бугарија: Ако Петков отстапи од бугарскиот национален интерес за Македонија ќе има криза во власта

t

Очекувам Владата строго да се придржува на Декларацијата на Народното собрание, на консензусот и волјата на Бугарите отворените прашања да бидат решени пред почетокот на преговорите за членство на Македонија во ЕУ, изјави бугарскиот претседател Румен Радев.

Како што пренесува БГНЕС, Радев повторил дека бугарската позиција во однос на евроинтеграцијата на Македонија се базира на резултати, а не рокови и услови наметнати однадвор. Според него, секое отстапување на Владата од бугарскиот национален интерес ќе предизвика криза во власта.


„Советниците на премиерот во никој случај да не ги квалификуваат македонските Бугари како малцинство. Тоа може да го минира целиот процес на евроинтеграција на Република Македонија“, предупредува Радев.

Со критики се јави и пратеникот на опозицискиот ГЕРБ и поранешен министер за надворешни работи, Даниел Митов кој го обвини премиерот Кирил Петков дека функцијата ја почнал со лаги и така продолжува.

„Владата не се справи со ништо. Петков е Бугарин од неодамна, не го разбира случајот со Македонија, нема осет за историјата на сопствениот народ и нема претстава колку овој случај е врежан во свеста на секој Бугарин“, вели Митов.

Според него, сите сигнали се дека премиерот има заткулисни активности за Македонија, а на прашањето од каде му се таквите информации вели дека тоа го потврдил еден од коалициските партнери на Петков, кој учествувал на средба.

И Митов како и Радев го повика Петков да внимава кога го користи терминот малцинство кога зборува за Македонија.

„Ние не бараме никакви права за бугарско малцинство. Бугарите во Република Македонија треба да добијат статус на државотворен народ. Ве повикувам да внимавате кога зборувате. Бугарија, согласно Уставот, не признава колективни права, туку само индивидуални. Таков говор може да создаде проблеми во иднина“, предупреди Митов.

ПОВРЗАНИ ВЕСТИ

Вучиќ: Мојата работа е да се грижам…

Претседателот на Србија, Александар Вучиќ, истакна дека…

Орбан предупредува: Европа ќе има тешка зима,…

Премиерот на Унгарија Виктор Орбан денеска во…

(Фото) Партијата на Каракачанов протестира против кревање…

Во Кресна најавен е широк национален протест…

Руската армија уништи голема залиха на американско…

Министерството за одбрана на Русија соопшти дека…

Oрбан: Санкциите кон Русија се еднакви на…

Целиот свет го чека многу тешка зима,…