Русија го предупреди Израел да не презема копнена офанзива во Газа

Русија го предупреди Израел да не презема копнена офанзива против исламистичката група Хамас во Појасот Газа, јави ДПА.
Портпаролот на Кремљ, Дмитриј Песков, во својот коментар, објавен во руските државни медиуми, денеска истакна дека постои закана од ескалација на конфликтот на Блискиот Исток со „страшни последици за целиот регион“ и уште поголема хуманитарна катастрофа.
Песков ова го кажа во Пекинг, каде претседателот Владимир Путин е во дводневна посета.
Кремљ соопшти дека Путин има намера,, на маргините на форумот „Појас и пат“, за ситуацијата на Блискиот Исток да разговара и со кинескиот партиски и државен лидер Си Џинпинг.
Путин вчера телефонски веќе разговараше со неколку лидери од Блискиот Исток, меѓу кои и израелскиот премиер Бенјамин Нетанјаху и палестинскиот претседател Махмуд Абас.
Рускиот претседател, кој и самиот ја води војната против Украина, повика на прекин на огнот за заштита на цивилното население.
Песков уште еднаш потврди дека се очекува Абас да ја посети Москва, иако не е утврден датумот на посетата.
Русија се залага за создавање независна палестинска држава, истовремено поддржувајќи ги безбедносните гаранции на Израел.
„Народот на Израел мора да живее во мир“, нагласи Песков, но истакна дека најважна задача сега е да се стави крај на војната на Блискиот Исток.
ПОВРЗАНИ ВЕСТИ
ДУИ до Мицкоски: Дали добивате „паничен напад…
Демократската унија за интеграција најостро го осудува…
121 година од објавувањето на „За Македонцките…
„Македонците, како посебен словенски народ, што низ…
АА: Власта поттикнува национализам и амнестира тероризам
Алијанса за Албанците во соопштение обвини дека…
Католиците и дел од православните го слават…
Католичките верници и дел од православните христијани,…
(Видео) Се урна патнички авион во Казахстан
Патнички авион на Азербејџан ерлајнс се урна…