Сакате да поседувате сопствен автомобил – во една земја, дозволата за тоа чини 100.000 евра

t

Цената на сертификатот за поседување семеен автомобил во Сингапур скокна на 146.002 сингапурски долари, што е околу 100.000 евра, а ова е и нов рекорд во таа земја.

Како што пишува Би-Би-Си, Сингапур во 1990 година воведе десетгодишен систем на сертификат за сопственост (COE) како мерка против натрупаноста. За да можат да купат автомобил, луѓето во Сингапур мора да го имаат овој сертификат.

Сертификатите се продаваат на аукција на секои две недели, а владата го контролира бројот на сертификати за продажба. Заедно со даноците и увозните давачки, системот го направи Сингапур најскапата земја во светот за купување автомобил.

На пример, новата Toyota Camry Hybrid чини околу 250.000 S$ во Сингапур, што ги вклучува трошоците за гореспоменатиот сертификат и даноците. Тоа е околу шест пати поскапо отколку во САД.

Цените на овие сертификати достигнаа рекордни нивоа неколку месеци по ред бидејќи закрепнувањето по пандемијата ја поттикна побарувачката. Најниската цена на автомобилот е 104.000 сингапурски долари, што е речиси три пати повеќе отколку во 2020 година.

Иако е релативно мала земја, Сингапур редовно се рангира меѓу земјите со најголем број милионери во светот. Но, обичните луѓе имаат просечна плата од околу 70.000 сингапурски долари, така што им е тешко да си дозволат автомобил.

ПОВРЗАНИ ВЕСТИ

И дел од српските медиуми тргнаа „во…

И дел од српските медиуми тргнаа во…

Кој има најголеми резерви на злато?

На крајот на септември 2024 година, девизните…

Захарова ѝ одговори на Бербок: Вие грижете…

Портпаролката на руското Министерство за надворешни работи…

За два дена на Косово се регистрирани…

Во првите 48 часа од 2025 година…

Секој граѓанин должи 5.300 евра – Македонија…

Македонија ја заврши 2024 година со јавен…