Сериозно обвинување од Џонсон: Гранатираната градинка во Донбас е руски напад под лажно знаме

Британскиот премиер Борис Џонсон ја обвини Русија за напад под „лажно знаме“ за да создаде изговор за војна во Украина.

Таа оценка беше поддржана од генералниот секретар на НАТО, Јенс Столтенберг, по извештаите дека сепаратистите поддржани од Русија се судриле со државните сили во источна Украина, со тврдења дека гранати погодиле градинка.

Ова се случува откако Велика Британија и САД предупредуваат дека Русија распоредила уште 7000 војници во близина на границите на Украина, и покрај тврдењата на Москва дека единиците почнале да се враќаат во базата по воените вежби.

Џонсон, зборувајќи за време на посетата Линколншир, рече: „Посакувам да можам на сите да им дадам подобри вести за ова, но морам да ви кажам дека сликата продолжува да биде многу мрачна.

„Денес, како што сигурен сум дека веќе сфативте, детска градинка беше гранатирана на начин што– добро го знаеме – се работи за операција под лажно знаме дизајнирана да ги дискредитира Украинците, дизајнирана да создаде изговор, лажна провокација за руска акција.

„Многу се плашиме дека тоа е нешто што ќе го гледаме повеќе во следните неколку дена.

„Она што го правиме е да се погрижиме да направиме се за да го зајакнеме пакетот санкции што ќе следат веднаш доколку има руска инвазија“.

Шефот на британската дипломатија Лиз Трус, која е во Киев на разговори со украинските лидери, рече дека е „многу загрижена“ за ситуацијата и го обвини Кремљ дека се обидува да создаде изговор за инвазија.

Сепаратистичките власти во регионот на Луганск тврдат дека има зголемено гранатирање на Украина долж напнатата линија на контакт, опишувајќи го како „провокација од големи размери“ на која тие возвратиле.

Share on Facebook

Tweet

Follow us

Save