Со Протоколот должни сме да ја славиме македонската и старословенската историја како бугарска

t

Чевица во партиско соопштение денеска истакна дека во Протоколот, под темата за историјата се наведува дека двете држави прифаќаат во 2022 и 2023 да ги чествуваат сите заеднички историски настани и личности кои се веќе договорени од Заедничката мултидисциплинарна експертска комисија за историски и образовни прашања, а доколку има политичка волја од двете држави, ќе се прославуваат и други заеднички историски настани и личности.

„Од Владата на Република Македонија се бара да подготви и достави прелиминарен урнек од лекција за 7 одделение од образовната програма на тема Самоилова држава. Бугарските апетити се однесуваат и на старословенската историја која сега ќе се изучува во бугарски национален контекст.

Солунските браќа, светите учители Кирил и Методиј, Цар Самоил, Гоце Делчев, Прличев и многу други се само дел од листата на македонски личности од кои СДС и ДУИ се откажаа и со ставањето потпис на Протоколот (и Договорот за добрососедство) им ги подарија на Бугарите, додека воедно се согласија дa се избрише нивното фашистичко и окупаторско минато во Македонија и секое споменување како такво, ќе се толкува како „говор на омраза”.

Вера Циривири – Трена, убиена од бугарскиот фашистички окупатор, околу 7200 Евреи кои биле насилно одведени од страна на бугарскиот окупатор, транспортирани во логорот на смртта Треблинка, Цветан Димов – убиен крвнички, масакрот во Ваташа, каде 12 младинци се изрешетани од куршуми од митралези, па потоа се избодени со бајонети, и ограбени. Ова е мал дел од многу вакви историски настани и ликови, кои тие денес се обидуваат да ги избришат од македонската историја, учебниците, спомениците, а секое споменување на истите, според Протокотол потпишан од предавничките СДС и ДУИ ќе биде толкувано како „говор на омеаза”.

Но, ова е единствена заедничка историја која ја делиме со Бугарија – окупацијата од фашистичка Бугарија и тоа е единствена заедничка историја која треба заеднички да се чествува – победата на Македонците над бугарскиот фашизам. За Бугарија не постои ниту заедничка историја на сите јужни Словени, бидејќи сега таа е бугарска.

Срамот е огромен и за Европската унија, која давајќи поддршка на Бугарија преку т.н. „француски предлог”, го одобрува фашистичкото минато, а со тоа, наместо осуда, ЕУ дозволува рехабилитација на фашизмот во Европа“, велат од Левица.

ПОВРЗАНИ ВЕСТИ

(Во живо) Отварање на бугарскиот културно-информативен центар…

Следете го во живо отварањето на новиот…

(Видео) Левица: По нарачка на сопственикот на…

Политичката партија Левица денеска излезе со официјално…

(Видео) Ковачевски ја злоупотребува премиерската функција за…

Ковачевски ја злоупотребува премиерската функција за црна…

Добро утро со Инфомакс: Денешните историски докажувања…

Ѓорче Петров е македонски професор, публицист, историчар,…

(Видео) Дали Муцунски не сака да ги…

Во Ново Лисиче беше нападнат советник на…