Траги-комично: ЕУ негира дека било која земја членка го плаќа рускиот гас во рубљи: Симсон не знае ниту дека некоја членка објавила намера за такво нешто

Европската комисија и француското претседателство со ЕУ во понеделникот негираа дека некои земји-членки го плаќаат рускиот гас во рубли, што би било заобиколување на санкциите против Русија.
„Не знам дека некоја земја-членка на ЕУ плаќа во рубли или дека ја објавила својата намера да го стори тоа“, изјави комесарот за енергетика Кадри Симсон, по вонредниот состанок на министрите за енергетика на земјите-членки.

Таа додаде дека им објаснила на министрите дека плаќањето во рубли би било јасно кршење на санкциите против Русија и дека „тоа не е прифатливо“, пренесува регионалниот бизнис портал SEEbiz.eu .

„Земјите-членки не треба да имаат илузии дека можат да се потпрат на добрата волја на Гаспром во ова прашање“, рече Симсон.

Француската министерка за еколошка транзиција Барбара Помпили исто така тврди дека ниту една земја не плаќа гас во рубли.

„Можам да потврдам дека сите земји-членки рекоа дека мора да се применат санкции и дека договорите мора да се почитуваат“, рече Помпили.

Блумберг во понеделникот објави дека некои земји-членки веќе плаќаат во рубли.

Русија донесе декрет со кој се бара од европските компании кои купуваат гас од „Гаспром“ да отворат една сметка во евра, а друга во рубли. Русија смета дека исплатата била извршена дури откако еврото било претворено во рубли.

ЕК вели дека за ЕУ ​​не е спорно европската компанија која купува гас да отвора сметка во Русија во евра, но отворањето на друга сметка во Газпромбанк во рубли би било заобиколување на санкциите.

Конверзијата на еврата во рубли се врши преку руската централна банка која е под санкции на ЕУ и секоја трансакција со неа е заобиколување.

Средствата платени во евра одат во руската централна банка, која потоа ги претвора во рубли, но без никакво временско ограничување. Тоа значи дека европска компанија која плаќала евра на некој начин ѝ позајмува на руската централна банка, наведува ЕК.