Објавено на:

Украина демантира дека Русите го освоиле Херсон

t

Украинското Министерство за одбрана ги демантираше информациите дека јужниот град Херсон паднал во рацете на Русите, јави дописникот на Си-Ен-Ен од Киев.

– Според информациите од нашата бригада, во моментов се водат борби, изјавил портпаролот на Министерството.


– Градот не е целосно заземен, некои делови се под наша контрола, додаде тој.

Руското Министерство за одбрана претходно соопшти дека руски војници го зазеле градот Херсон во јужна Украина. Според руски извештаи, руските сили синоќа влегле во Херсон и руската армија синоќа била на улиците на градот.

Градоначалникот на Херсон Игор Коликаев утрово информира дека многу луѓе загинале, вклучително и украински војници и цивили, а владините претставници сега се обидуваат да обезбедат луѓето да го напуштат градот или да се засолнат.

– Синоќа додека јас и мојот тим бевме во градското собрание, зградата беше гранатирана. Сите се живи. Но, повторно ве замолувам: не излегувајте од дома. Не предизвикувајте пукање со вашите постапки и однесување. Ние сме во многу тешка ситуација, нема потреба да ја влошуваме. Денеска ќе работам за да најдам начин како да се соберат мртвите, како да се врати струјата, гасот, водата и топлината каде што се оштетени. Но, веднаш ве предупредувам: да ги исполниш овие задачи денес значи да направиш чудо. Сега сите чекаме чудо. Тоа ни треба, напиша Коликаев на Фејсбук.

ПОВРЗАНИ ВЕСТИ

Путин во разговор со Макрон и Шолц,…

Рускиот претседател Владимир Путин разговарал со францускиот…

CNN: САД ќе испрати во Украина ракетни…

Според извори на телевизијата, администрацијата е расположена…

(Видео) Првиот брод влезе во пристаништето Мариупол

Првиот брод влезе во пристаништето Мариупол, изјави…

Украинската проруска црква се одвои и прогласи…

Украинската православна црква Московски Патријархат, ги прекина…

Украина го спречи обвинетиот Порошенко да учествува…

– Поранешниот украински претседател Петро Порошенко се…