Утре и задутре посебен режим на сообраќај околу гробиштата во Бутел

– Единицата за безбедност на патниот сообраќај при Секторот за внатрешни работи – Скопје утре и задутре поради претстојниот верскиот празник Задушница ќе преземе мерки за посебен режим на сообраќај за безбедно и непречено одвивање на сообраќајот.

Утре со почеток од 06:00 часот сообраќајот кон градски гробишта Бутел ќе се одвива во една насока (кружно), односно, сите возила ќе се упатат по ул. „Бутелска“, лево по ул. „Александар Урдаревски“, лево по ул. „Боца Иванова“ и десно до влезот на гробишта Бутел, а за излез од гробишта – десно по ул. „Боца Иванова“, до кружниот тек на ул. „Бутелска“, па лево по ул. „Бутелска“ и десно по ул. „Кемал Сејфула“.

Посебен режим на сообраќај ќе се воведе и по улиците кај гробишта во Камник и во Ѓорче Петров.

МВР апелира до граѓаните да ги почитуваат наредбите што ги издаваат полициските службеници по сообраќајниците опфатени со посебниот режим на сообраќај.

Share on Facebook

Tweet

Follow us

Save