Објавено на:

Фон дер Лајен најави конкретни предлози за запирање на растот на цените на енергентите

t

Европската комисија за неколку недели ќе објави конкретни предлози за запирање на растот на цените на енергентите, најави претседателката Урсула фон дер Лајен по завршувањето на неформалниот самит на Европската унија во Прага, јавија дел од светските медиуми.

По првиот состанок на Европската политичка заедница во Прага, каде учествуваа лидери на 44 европски земји, денеска останаа само шефовите на држави или влади од Европската унија на неформален самит.

Главни теми беа руската војна против Украина и како да се запре растот на цените на енергентите.

Што се однесува до енергетската криза, сè поголема е поддршката меѓу членките да се обезбеди заедничка набавка на гас со цел на тој начин да се намалат цените и да се почнат разговори за нов модел формирање цени на електричната енергија, на начин да се одвои од цените на гасот, што моментално ги диктира цените на струјата.

– Постои сè поголема поддршка да се организира заедничка набавка на гас, изјави претседателот на Европскиот совет, Шарл Мишел.

Премиерот на Чешка, Петр Фијала информираше дека лидерите разговарале околу предлогот за раздвојување на цените на гасот од цените на електричната енергија. Фон дер Лајен истакна дека конкретни предлози за тоа ќе има на почетокот од следната година, затоа што станува збор за навистина многу сложено прашање за интервенција на енергетскиот пазар. (МИА)

ПОВРЗАНИ ВЕСТИ

Во четврток е последниот неработен ден за…

Овој четврток ќе биде последниот неработен ден…

Внимавајте: Сообраќајот се одвива по влажни коловози

Сообраќајот на државните патишта се одвива непречено,…

Ковачевски на Самитот Западен Балкан-ЕУ во Тирана

Премиерот Димитар Ковачевски, заедно со лидерите од…

Захарова: Нема да се повлечеме од нуклеарната…

Портпаролката на руското Министерство за надворешни работи,…

Утринска магла, променливо облачно и слаб ветер

Наутро наместа со појава на магла, во…