(Фото+видео) Фасцинантен историски момент: Израел тестираше најсовремено ласерско оружје

t

Израел направи значаен чекор во овозможувањето на својот револуционерен ласерски систем со тестирање на ова моќно оружје, соопшти денеска Министерството за одбрана.

Експериментите спроведени на југот на земјата од страна на Дирекцијата за истражување и развој при Министерството за одбрана покажаа дека овој ласерски систем успешно пресретнува беспилотни летала, минофрлачи, ракети и противтенковски ракети во различни сценарија.


– Ова е историски момент во развојот на оружјето. За прв пат, всушност функционира оружен систем заснован на енергија. Не зборувам за идеи, туку за систем кој функционира – соопшти денеска бригадниот генерал Јанив Ротем.

Тој додаде дека нивната мисија е јасна – да покажат дека нивното оружје работи пред прославата на Празникот, како што планирале. Јанив објасни дека серијата тестови што ги направиле му овозможиле на Израел да влезе во сосема нова ера.

– Никој во светот досега не покажал такви способности. Израел беше првиот што се обиде. Ние сме во време на нови видови оружје кои се базираат на енергија и тука сме – рече тој.

Израелскиот министер за одбрана Бени Ганц изјави дека неговата земја е една од првите што разви моќна ласерска технологија според оперативни стандарди и која може да пресретне, пишува Jerusalem Post.

– Според мене, оружјето засновано на енергија со моќен ласер е многу значаен чекор напред. Овој систем ќе придонесе за намалување на способноста на непријателот во сите услови – рече тој.

Тој додаде дека ќе биде потребно време пред системот да биде целосно функционален.

– Ласерскиот систем за прв пат пресретна цели на голема далечина. Благодарение на израелските иновации, воениот естаблишмент и индустријата што се собраа, ова достигнување ќе биде штит што ќе обезбеди безбедност за граѓаните на Израел.

Министерот рече дека овој систем ќе ги подобри оперативните способности на армијата и дека ќе овозможи флексибилност на Владата и можност за „дишење“ во случај на избувнување на војна.

Во март тој одобри распределба на неколку десетици милиони долари за развој на ласерски системи. Министерството за одбрана потпиша договор со компанијата „РАДС“ за развој на овие системи, кои ќе бидат интегрирани во познатиот израелски противвоздушен систем „Железна купола“.

ПОВРЗАНИ ВЕСТИ

Остин: Дваесет земји ветија достава на оружје…

Дваесет земји ветија дека ќе и достават…

После 15 години Чавушоглу во посета на…

Турскиот министер за надворешни работи Мевлут Чавушоглу в среда…

Прв случај на мајмунска сипаница е потврден…

Израел го пријави првиот потврден случај на…

Акција на МВР: Пронајдено оружје при претрес…

Денеска (21.05.2022) во с.Ласкарци, скопско,  полициски службеници…

Руски медиуми предупредуваат: Израел се подготвува за…

Израел се подготвува за војна со Иран.…