(Фото) Автомобил заврши во ископан канал на магистралниот пат на влезот во Кочани – едно лице е повредено

t

Патничко возило од марката „опел“ со кочански регистерски ознаки, заврши во ископан канал на магистралниот пат на влезот во Кочани кај Подлошка кростосница. Од падот возилото претрпело сериозни оштетувања, а според очевидци едно лице се здобило со повреди на главата.

На местото на настанот забележливи се траги на кочење, но поради недоволната обележаност и несоодветната брзина возилото завршило во дупката длабока три метри.

This image has an empty alt attribute; its file name is kocani-avtomobil.jpg

-При падот автомобилот удри и во еден од поставените сообраќајни знаци, но со оглед што и покрај изведувањето на градежните работи не е поставена заштитна ограда, ниту пак местото е соодветно осветлено, опасноста од сообраќајни несреќи е постојано присутна. Ископаниот отвор е со ширина од неколку метри и се наоѓа токму на средина од коловозот, поради што потребна е поголема внимателност и намалена брзина на возилата за да се заобиколи по помошниот пат во близина, истакна очевидец на сообраќајната несреќа.

Службени лица од Полициската станица – Кочани направија увид на местото на настанот.

Делницата од експресниот пат на влезот во Кочани се реконструира повеќе од една година, а градежните работи се одвиваат со различно темпо, поради што неодамна имаше и реакција на дел од стопанските субјекти во зоната Лесна индустрија во Кочани, кои упатија забелешка за отежнатиот пристап и влез во нивните објекти.

ПОВРЗАНИ ВЕСТИ

Член на комисијата потврди: Бугарските историчари инсистираат…

Не работиме на утврдување на статусот на…

(Во живо) Отварање на бугарскиот културно-информативен центар…

Следете го во живо отварањето на новиот…

Добро утро со Инфомакс: Денешните историски докажувања…

Ѓорче Петров е македонски професор, публицист, историчар,…

Велешанка ги тепала сопругот, свекрвата и синот…

Вистинска семејна драма се случила вчеравечер во…

Зајкова: Државава нема друга алтернатива освен ЕУ

Немаме веќе ниту време, ниту генерации за…