Објавено на:

Хаос во Индија: Мажи кои групно силувале бремена жена пуштени на слобода

t

Единаесет луѓе, етнички Индуси, осудени на доживотен затвор поради групно силување бремена муслиманка за време на хинду–муслиманските немири во 2002 година, се пуштени на слобода. Ваквиот потег предизвика гнев во јавноста и осуда од страна на сопругот на жртвата, неговиот адвокат, како и од редица политичари.

Мажите се осудени во почетокот на 2008 година, а од затворот во Панчмахал се пуштени во понеделникот, кога во Индија се прославуваше 75 години од крајот на британското владеење.

За време на конфликтот во Гуџарат, еден од најлошите вериски немири во Индија, загинаа над 1.000 лица, повеќето муслимани. На чело на државата тогаш беше сегашниот индиски премиер Нарендра Моди.

Официјално лице од Панчмахал за медиуми тврди дека советодавниот одбор на окружниот затвор препорачал напаѓачите да се пуштат на слобода, поради нивното добро однесување.

Според индиските закони, осуденици имаат право да бараат помилување по поминати 14 години во затвор.

– Факт е дека тие поминаа речиси 15 години в затвор и оти имаа право на можност за помилување, изјави Сухал Јаџантибај Мајатра, пренесе Си-ен-ен.

На видеа споделени на социјалните мрежи, се гледа како пред затворот, непознато машко лице им дава благо на ослободените напаѓачи, откако во знак на почит, им ги допре стапалата.

Опозициски политичари и адвокати соопштија дека овој потег е во спротивност со владината политика на зголемување на нивото на заштита на жените во земја позната по големиот број силувања.

– Помилувањето осудени за грозоморно злосторство како групно силување и убиство е морално и етички несоодветно. Каква порака сакаме да испратиме со тоа?, праша адвокатот Ананд Јагник.

ПОВРЗАНИ ВЕСТИ

(Видео) Крави се шетаат низ владините згради…

Добротворните организации, кои управуваат со засолништата за…

30 дневен притвор за силувачот од Прилеп:…

Основното јавно обвинителство Прилеп донесе наредба за…

Приведен силувач во Прилеп: Нападнал малолетно девојче

Дваесет и едногодишно жител на село во…

Граѓаните на Косово бараат смртна казна за…

Граѓаните кои во Косово протестираат во одбрана…

Грозоморни детали: 11-годишното девојче од Приштина било…

Министерот за внатрешни работи на Косово, Џељаљ…