Хрватски историчар: Путин всушност го промени планот за војната во Украина?

Хрватскиот историчар Хрвоје Класиќ, коментирајќи го денешниот говор на Путин на прославата на Денот на победата, вели дека не слушнал ништо ново во говорот на рускиот претседател.

„Кога зборуваме за оваа прослава, секоја година, па и оваа, секогаш има две димензии, едната е враќање во минатото и нема кој што да приговори. СССР ја направи најголемата жртва во Втората светска војна. Ваквите прослави секогаш го привлекуваат вниманието на јавноста поради актуелниот момент, обично ништо не се случува, а сега имаме ситуација со Украина“, рече тој.

„Се очекуваше Путин или да прогласи победа или да објави мобилизација. Ништо од тоа не направи. Путин не можеше да каже ништо ново што сите веќе не го знаат. Неговата политика е јасна, повторно слушнавме дека Западот го напаѓа Крим , тој Запад е всушност Украина чиј дел е Крим. Значи, ништо посебно не се случи“, вели Класиќ.

Тој посочи и дека Украина е исклучително важна за Русија од геостратешки и геолошки аспект.

„Тоа е претежно рамнина низ која се случуваа напади врз Русија во неколку наврати низ историјата. Одржувањето на Украина е важно поради тоа. Важно е и поради Донбас и тој регион кој е индустриски силен, важно е поради Крим, поради Црното Море. Не се прашуваме што би сакале Украинците. По Втората светска војна Украина не сакаше, како и повеќето други земји, повторно да се приклучи на заедницата. Тие се одлучија за независност од Москва. Мислам дека треба да слушаме што Украина сака. Зошто воопшто разговараме што проценила Русија?“, праша тој.

Тој објасни и дека целта на Путин не е проширување на физичките граници на Русија, туку политичко влијание.

„Путин има многу поинтересна варијанта што ја има во последните 30 години, а тоа е дека претставниците на властите во Киев се наклонети кон Москва. Најважниот фактор зошто тоа не се случи е Зеленски. Да одлеташе по првите два дена од инвазијата, ќе имаше се. Ова сега е целосно спротивно на очекувањата, а мислам дека и тој план нема да се оствари. Мислам дека сегашниот план е да се распарчи, делови од Донбас да бидат независни, Крим да биде дел од Русија“.

Тој исто така рече дека хрватскиот премиер Андреј Пленковиќ не е единствениот државник што го посетил украинскиот претседател Володимир Зеленски и дека тој треба да продолжи да дава помош за Украина.

Конечно, тој коментираше дали Путин го нарушил угледот на Русија:

„Русија е важен играч долго време, но многу помалку важен играч отколку што мислат. Во воена смисла не може да му парира на НАТО, а во економска смисла ниту на САД, ниту на ЕУ, ниту на Кина. Русија би можела да стане приврзок на Кина. Владимир Путин е закана за стабилноста на Русија. Но, кога ќе стигнете таму, ќе видите дека тоа не е против интересот на голем број Руси. За нив некои работи се поважни од економската стабилност. Ќе видиме кога, тоа уште го нема“, заклучува Класиќ.

Share on Facebook

Tweet

Follow us

Save