Објавено на:

Цената на гасот повторно надмина 3 илјади долари!

t

Цената на гасот во Европа и натаму ја надминува вредноста од 3.000 долари за илјада кубни метри. Дополнително, транзитот на руски гас преку Украина, според договорните обврски на „Гаспром“ е на максимум веќе една недела, покажуваат податоците на „ГТС оператор на Украина“.

Цените на бензинот на берзата во Европа забележаа вртоглав раст во првите минути од тргувањето, надминувајќи го денеска нивото од повеќе од 3.000 долари за илјада кубни метри, покажуваат податоците на берзата ICE во Лондон.


Вредноста на априлските фјучерси според индексот на најликвидниот ТТФ центар на отворените берзи надмина 2.870 долари и за неколку минути достигна 3.309,6 долари, што е за околу 30 отсто повеќе од цената забележана во понеделникот – 2.560,7 долари.

Барањата за испорака на гас на границата меѓу Русија и Украина денеска изнесуваат 109,5 милиони кубни метри.
Зачувана е и шемата за испорака на гас преку гасоводот „Јамал-Европа“, чии капацитети „Гаспром“ секојдневно ги резервира последните денови.

Компанијата на крајот на вчерашниот ден резервирала капацитет од 290.000 кубни метри на час од понудените 3,7 милиони кубни метри, а во текот на утрото купила дополнителни капацитети во истиот волумен. „Гаспром“ има право да ги користи од шест часот на 8 март до шест часот на 9 март по средноевропско време, покажуваат податоците од аукцијата на платформата „ГСА Платформа“.

Експертите го поврзуваат зголемувањето на побарувачката на гас со ризиците кои настанаа по инвазијата на Русија на Украина, како и поради постуденото време во Европа, кое ќе трае до крајот на неделата.

Во исто време, производството на енергија од ветер во Европската унија е намалено, според Wind Europe.

Гасоводот Јамал-Европа, заедно со Северен тек 2 и системот за транспорт на гас на Украина, е една од главните рути за испорака на руски гас до европските земји.

Да потсетиме, фјучерсите нагло пораснаа на почетокот на февруари, откако рускиот претседател Владимир Путин на 21 февруари потпиша указ за признавање на суверенитетот на Народните републики Доњецк и Луганск, а Русија на 24 февруари започна специјална воена операција во Украина. Растот на котациите за размена на гас е регистриран поради фактот што САД, ЕУ, Велика Британија, како и други земји воведоа санкции за одреден број правни и физички лица од Русија.

ПОВРЗАНИ ВЕСТИ

Копаат ровови за гробници, полицијата секој ден…

Масовните гробници кои во последните неколку дена…

БОМБА од Украина: Порошенко се обидел да…

Поранешниот претседател на Украина Петро Порошенко се…

Кулеба се пофали: Пристигнува ново тешко оружје…

Украинскиот министер за надворешни работи, Дмитриј Кулеба…

Бугарскиот европратеник Ќучук: После толку обиди за…

Бугарскиот европратеник и известувач за Македонија, Илхан…

САД не престанува: Нови санкции за две…

САД денеска воведоа санкции за две руски…