ЦУК: По вчерашното невреме најмногу пријави има за паднати дрвја и поплавени простории

t

По обилните врнежи од дожд и силниот ветар кои вчера попладне го зафатија Скопје на телефонскиот број 195 и преку бројот за итни повици 112 беа примени околу 180 пријави. Од нив, за поплавени простории од објекти – 80, за паднати дрва – 40, за оштетени возила и поплавени улици и подвозници – по 20, оштетени кровни конструкции – 15, скинати проводници, навалени бандери и други проблеми со струја – пет.

Како што информираат од Центарот за управување со кризи – ЦУК, сите овие пријави и проблеми за нивно решавање редоследно по приоритет биле проследени до: Бригадата за противпожарна заштита БППЗ, Градот Скопје, општините и јавните претпријатија во Градот.

БППЗ на Град Скопје после невремето со нивни екипи интервенирале во десетина случаи за испумпување на навлезена вода од објекти и критичните места.

На скопските сообраќајници од ЈП „Водовод и канализација“ известуваат дека вечерта и ноќта со цистерни и вакум цистерни работеа на исцрпување на насобраната вода и на одзатнување на атмосферската канализација на критичните места (подвозници и главни сообраќајници) и исто така по пријави на граѓани на уште 40-тина други места. Утрово состојбата е нормализирана, наведуваат од ЦУК.

Оттаму додаваат дека од ЕВН известуваат дека дефектите во страна, дефектите во електро системот настанати од атмосферските празнења и силниот ветер во повеќе реони од градот и околината во текот на ноќта се отстранети освен кон селата Дворце и Радуша во Општината Сарај каде жителите се уште се без електрична енергија.

Според известувањето од Сообраќајната полиција како и ЈСП Скопје од околу полноќ состојбата на сите сообраќајници е нормализирана и утрово сообраќајот и јавниот градски превоз се одвивива нормално, посочуваат од ЦУК.

ПОВРЗАНИ ВЕСТИ

ВО ТЕК Е БЕЗБЕДНО ОТСТРАНУВАЊЕ – Пронајдена…

Преку Центарот за управување со кризи (ЦУК)…

Продолжува потрагата по лицето кое вчера скокна…

Продолжува потрагата по лицето кое вчера, рано…

ЦУК со најнови информации за човекот кој…

По остварените контакти со Бригадата на противпожарна…

(Фото) Се засилува потрагата по исчезнатото лице…

ЦУК: Потрагата се засилува по лицето кое…

(Видео) Појава на диви свињи во “Пржино”:…

Денеска на игралиштето „ЈСП“ во населба „Пржино“…