Објавено на:

Шок во Дортмунд: Борусија добилa сметка за струја од – десет милиони евра!

t

Големата енергетска криза и огромното поскапување на струјата не е проблем само за малите и сиромашни држави како нашата туку и на богатите и развиените, а од тоа не куртулуваат ниту најмоќните фудбалски клубови, меѓу кои е и Борусија Дортмунд, чија управа воведе мерки за штедење откако ја добиле последната сметка за електрична енергија.

„Милионерите“ наместо досегашните четири милиони евра, сега годишно за струја ќе мора да издвојат огромни десет милиони евра, што е голем удар дури и за нивниот буџет.

„Управата презеде драстични мерки за штедење, а целта е да ја намалиме потрошувачката на енергија во сите наши недвижности за 15-20 отсто“, изјави директорот на Борусија, Карстен Крамер.

Стадионот „Сигнал Идуна Парк“ повеќе нема да свети навечер, а ќе биде изгаснато и логото на клубот високо еден метар. Драстично ќе биде намалено користењето на рефлекторите, а ќе биде исклучено греењето и осветлувањето на теренот. Греењето во ВИП просториите ќе се вклучува само за време на средбите.

Поскапата струја им направи проблеми и на останатите тимови од првата и втората Бундеслига, а најконкретен во борбата со трошоците е второлигашот Нирнберг, кој објави сезонава нема да игра под рефлектори туку само преку ден, со цел што побезболно да ја мине кризата.

извор: sport1.mk

ПОВРЗАНИ ВЕСТИ

Пендаровски во посета на Белгија: Ќе разговара…

Претседателот Стево Пендаровски денеска ќе престојува во…

Рано утрово земјотрес ја погоди Хрватска

Ноќеска во 2 часот и 3 минути…

Продолжува судењето за пожарот во модуларната болница…

За денеска во Основниот суд во Тетово…

Денеска македонско-бугарски бизнис форум „До една милијарда…

Под покровителство на министрите за надворешни работи…

Добро утро со Инфомакс: Додека го вардиме…

На денешен ден, 7 декември, во 1993…