Шпански судија објасни: Тоа што излезе топката во аут – не важи!

Најгласен одек од синоќешното реми меѓу Реал Мадрид и Манчестер сити (1-1) остави ситуацијата кога топката излезе од границите на теренот, а во продолжение се случи акцијата која го донесе голот на Кевин Де Брујне за 1-1.

Дури и Карло Анчелоти крена глас за овој момент и праша зошто ВАР не ја погледнал подобро ситуацијата, меѓутоа стигуна стручно објаснување. Поранешниот шпански судија Итуралде Гонзалес, за „Марка“ објасни дека голот е регуларен и тоа што топката излегла во аут не е важно.

„Топката излезе во аут, но таа акција не важеше затоа што Реал Мадрид во продолжението го врати поседот на топка преку Камавинга. Камавинга ја зема топката, а потоа ја даде на противникот и тука почнува друга акција. Поради тоа ВАР не смее да се вклучи во проверка на голот. Ако Камавинга не ја прекинеше акцијата, тогаш ВАР ќе стапеше на сцена, а во ваква ситуација почнува друга акција, но првата не може да се провери“, се изјасни Гонзалес.

Извор: sport1.mk

Share on Facebook

Tweet

Follow us

Save