“Ќе ме запамтите”: Тракторист нападнал полицајци и им се заканувал

Основното јавно обвинителство Велес поведе постапка против лице на возраст од 63 години за кое постои основано сомнение дека сторило две кривични дела „напад на службено лице при вршење работи на безбедноста“.
„На 23 август, осомничениот нападнал двајца полициски службеници од СВР Велес, нанесувајќи им телесни повреди. Откако управувајќи трактор не сопрел на зададените звучни и светлосни предупредувања од полицајците, туку продолжил да се движи кон индустрискиот дел од градот, оштетените со полициско возило го стигнале.
На знак од еден од оштетените со светлечка палка СТОП и гласно упатено барање да запре, осомничениот свртел со тракторот во лево и продолжил да се движи во правец директно кон оштетените. Со тракторот удрил прво во едниот, а потоа и во другиот полициски службеник.
Полицајците се обиделе да го запрат, но тој продолжил да ги удира со боксови. Кога конечно успеале да го совладаат, им се заканил дека ќе го запаметат, како и дека ќе ги уништи нив и нивните семејства“, се наведува во соопштението од Јавното обвинителството.
Бидејќи постои опасност осомничениот да се даде во бегство или да го повтори делото, особено со оглед на упатените закани кон оштетените, јавниот обвинител доставил предлог на осомничениот да му се определи мерка притвор.
ПОВРЗАНИ ВЕСТИ
Истрага за илегална продажба на околу еден…
Основното јавно обвинителство Велес донесе Наредба за…
Трактор се превртел во Тетово, возачот е…
Вчера попладне, 49-годишен жител на Тетово е…
Најмалку 44 луѓе загинале во израелски напад…
Агенцијата за цивилна одбрана на Газа соопшти…
Судијка од Велес времено делегирана во Судот…
Со одлука на Судскиот совет, судијката Емине…
Мицкоски најави влегување на македонскиот пазар на…
Фармацевтската швајцарска компанија „Ронтис“ изразила желба да…