Џонсон ја попaри Славјанка: Ниту една членка на НАТО во моментов не е подготвена да испрати сили во Украина

t

Во моментов не постои членка на НАТО која би била подготвена да испрати голем контингент војници во Украина со цел да се спротивстави на руската агресија, изјави премиерот на Обединетото Кралство, Борис Џонсон, пишува Спутник
Обраќајќи им се на членовите на британскиот парламент, Џонсон одговори на прашањето дали НАТО може да испрати сили во Украина, без разлика што таа земја не е членка на Алијансата.
„Знам дека многу луѓе го делат тоа мислење од емотивната страна. Се разбира, инстинктивно, многумина би повикале на активна физичка поддршка на Украина во форма на војници на НАТО, но морам да кажам дека не мислам дека такво нешто ќе се случи во блиска иднина. Украина не е членка на НАТО“, изјави премиерот пред пратениците.
Тој додаде дека се подготвува уште еднаш да разговара со рускиот претседател Владимир Путин за ситуацијата во Украина.
„Реалноста е дека вистинската цел на Русија е да ги држи силите на НАТО подалеку од руските граници. Тоа е целта на Русија, но руската инвазија на Украина ќе биде контрапродуктивна. Министрите за одбрана и за надворешни работи му го пренесоа тоа на претседателот Путин, а јас планирам да разговарам со него подоцна“, додаде Џонсон.
Тој предупреди дека санкциите што западните партнери ги подготвија против Русија во случај на ескалација ќе бидат најстрогите досега.
Во последно време, Западот ја обвинува Русија дека наводно подготвува инвазија на Украина и дека Москва значително го зголемува своето воено присуство во близина на границите на Украина. Русија одлучно ги отфрла овие обвинувања како неосновани и опасни и нагласува дека ги преместува воените сили на своја територија во согласност со Уставот и дека Западот сето тоа го користи како изговор за натамошно проширување на Исток.

Министерката за одбрана, на Република Македонија, Славјанка Петровска, вчера изјави дека нашата армија како дел од тие структури (НАТО) има обврска и веќе изготвува анализи за можностите за потенцијално наше учество, односно ангажман во евентуалниот судир.

Претседателот Ствено Пендаровски објасни што значат активностите и подготовките на нашата армија, во контекст на тензиите што во моментов се случуваат на релација помеѓу НАТО и Русија, во врска со украинската криза. Врховниот командант посочи дека се работи за имплементирање на процедури за зголемување на борбената готовност, но не е донесена никаква одлука за воено инволвирање во евенуалниот воен конфликт.

„Република Македонија, како дел од НАТО, учествува во процесот на планирање заедно со останатите членки за начините како Алијансата да се постави кон тензиите кои се зголемуваат во тој регион. Инаку, НАТО нема донесено одлука за воено инволвирање во евентуален конфликт, туку станува збор само за задолжителна процедура за кревање на нивото на мобилност во ситуација на зголемени тензии во регион кој граничи со неколку членки на Алијансата.“, се вели во одговорот на прашањето на Плусинфо, испратен од кабинетот на претседателот.

ПОВРЗАНИ ВЕСТИ

Следува пресврт на настаните? Русија е подготвена…

Русија останува подготвена да преговара со Украина,…

Последен ден од референдумите во Украина: На…

На териториите на самопрогласените републики Луганск и…

(Фото) На 19 години сруши шест руски…

Украинскиот претседател Володимир Зеленски го одликува војникот…

Чавушоглу: Јасно ѝ ставивме до знаење на…

Турција нема да ја признае анексијата на…

Излезеноста надмина 50% во сите региони: Претпоследен…

Излезноста на референдумот во ДНР и ЛНР…