Гвардиола ја откри главната разлика помеѓу Халанд и Меси

Ерлинг Браут Халанд не запира со голови откако дојде во Манчестер сити, веќе има 14 на контото, даде експресно три хет-трика за осум меча во Премиерлигата и најави дека ама баш сите рекорди ќе ги урне.

И како по обичај веднаш почнаа споредбите со најголемите на денешницата, па и со седумкратниот освојувач на „златната топка“, Лионел Меси, по што Пеп Гвардиола, менаџерот на „граѓаните“ и екс-тренер на Меси во Барселона ја откри разликата помеѓу двете суперѕвезди со која јасно стави до знаење – кој секогаш ќе биде подобар.

„Постои голема разлика меѓу Ерлинг и Лео. На Ерлинг му требаат соиграчи за сето ова да го оствари и тоа што го прави е неверојатно. Меси од друга страна – сѐ можеше сам“, рече Гвардиола.

Меси под палката на Пеп на 218 меча во тој период на доминација на Барселона даде 211 гола.

извор: sport1.mk

Share on Facebook

Tweet

Follow us

Save