INFOMAX.MK

Рон ДеСантис, гувернерот на американската сојузна држава Флорида кој е сериозен кандидат за претседателските избори во 2024 година, рече дека ќе ги заштити децата на Флорида и нема да дозволи да им се наредува да носат маски во училиште.

Под ДеСантис, Флорида се истакна со брзо укинување на рестриктивните мерки за корона вирусот, и меѓу првите им дозволи на децата да одат на училиште без маски. Но, некои училишта инсистираат на носењето маски. ДеСантис се судри со родителите на група деца минатата недела, кога за време на јавен настан им кажа дека не мора да ги носат маските. „Не мора да ги носите, симнете ги. Доста со овој Ковид театар. Сериозно, маските ништо не помагаат. Ако сакате носете ги, ама ова веќе е смешно“, рече ДеСантис, по што родителите на дел од децата реагираа против него.

Во Флорида, ние ќе ги браниме правата на нашите жители сами да решаваат за себе и за своите деца. Ја отфрламе хистеријата и се залагаме за вистината и за реалните податоци. Во Флорида веќе нема да се игра Ковид театар, порача ДеСантис.

Гувернерот со задоволство пречекува „бегалци“ од другите држави во САД, кои се селат во Флорида во обид на своите деца да им обезбедат безгрижно детство и нормално образование. Поради тоа, неговата популарност во редовите на Републиканската партија расте, и тој е сериозен кандидат за претседател – секако, доколку не дојде до нова кандидатура на Доналд Трамп.

This is phenomenal. Ron Desantis tells USF kids they don’t have to wear their masks because they don’t do anything and it’s time to stop with all the political theater. pic.twitter.com/o8xGzyKXcV

— Clay Travis (@ClayTravis) March 2, 2022