Израел може да загуби контрола над Палестина! – Следува ли нова војна на Блискиот исток, еве што вели израелскиот минстер за одбрана

Iзраелскиот министер за одбрана Бени Ганц изјави дека во следните неколку години државата Израел најверојатно ќе биде ограничена само на мнозинско евреиските територии.

Според израелските медиуми, за време на затворената седница на политичкиот сојуз на Сино-белите минатата недела, Ганц гласно прочитал порака на WhatsApp која станала вирална низ целата земја и која содржела закани од наводни арапски извори кои предупредуваат дека ќе го преземат Израел.

„Продолжете да пцуете; немаte шанси против Алах. Полека но сигурно каснуваме од вашата држава. Што ќе правиte? Ова е палестинска територија“, се вели во пораката.

Потоа се вели: „Веќе денес сме 85 отсто од населението на Галилеја и брзо ја преземаме контролата, градејќи домови на секој агол без дозволи. Кој ќе направи нешто околу тоа? Евреите кои живеат во Галилеја – сите бегаат во центарот на земјата затоа што страдаат од малтретирање, насилство на патиштата, заштита, пукање, кражба и грабежi“.

Како одговор на тврдењата изнесени во пораката, израелскиот министер за одбрана рече дека авторите се во право и дека иднината на еврејската држава на крајот може да заврши „меѓу Гедера и Хадера“.

„Иднината на земјата е во опасност“, додаде Ганц, пред да каже дека „ако не инвестираме во Галилеја и Негев, тогаш во суштина ќе завршиме со договор за поделба на земјата“.

Неговите судбоносни коментари доаѓаат само неколку дена откако поранешниот израелски премиер Ехуд Барак изрази стравување од неизбежна смрт на Израел пред 80-годишнината од неговото основање.

„Во текот на еврејската историја, Евреите не владееле повеќе од осумдесет години, освен во двете кралства на Давид и династијата Хасмонеа, и во двата периода, нивното распаѓање започнало во осмата деценија“, рече Барак.

Неодамнешните анкети покажаа и дека голем дел од израелските граѓани ја изгубиле вербата во иднината на својата нација. Во меѓувреме, најмалку 75 отсто од израелските Арапи веруваат дека Евреите немаат право на суверенитет во окупирана Палестина.

Во текот на последните недели Израел се соочи со бран одмазднички напади од страна на палестинските цивили, кои бараат крај на окупацијата на нивните земји и етничко чистење на нивниот народ.

Во услови на пораст на тензиите, минатата недела окупаторските трупи пукаа и ја убија палестинско-американската новинарка Ширин Абу Акла, пред да ги нападнат ожалостените на нејзината погребна поворка.

Како одговор на израелското насилство, палестинското движење на отпорот Хамас апелираше за обединета команда против Тел Авив.

Шефот на Политичкото биро на Хамас, Исмаил Ханије, на 14 мај рече дека Палестинците влегуваат во нов период и дека мора да се донесат стратешки одлуки за формирање „брзо формирање“ на командата што ќе ја води борбата против Израел.

„Треба да продолжиме по овој пат без двоумење. И нашиот народ ќе ја води својата војна против напаѓачот на сите области… Повикуваме брзо формирање на обединета теренска команда која ќе ја води борбата против окупацијата во ова историско време, кога крвта преовладува над мечот и волјата над суровоста. “, додаде Ханије.

Share on Facebook

Tweet

Follow us

Save