Кина се закани: Ќе возвратиме со сериозни мерки ако ни воведете санкции

Пекинг има намера да возврати со остри мерки, доколку Вашингтон воведе санкции кон Кина поради несогласувањето меѓу Русија и САД околу украинската криза, изјави во четвртокот портпаролот на кинеското Министерство за надворешни работи Жао Лиџијан.

„Во процесот на решавање на односите со Руската Федерација, САД немаат право да воведат таканаречени санкции против кинески компании и поединци“, истакна портпаролот на брифингот. „Во спротивно, Кина ќе даде решителен и сериозен одговор.

Според дипломатот, санкциите на Вашингтон против Русија нема да направат ништо за да се реши проблемот во Украина. „Напротив, САД создаваат повеќе главоболки на овој начин“, додаде тој.

Како што истакна Жао Лиџијан, активностите на Вашингтон не само што предизвикуваат економска штета на страните, туку и „имаат [негативно] влијание врз процесот на политичко решение“.

Share on Facebook

Tweet

Follow us

Save