Ковачевски: Еден ден Груевски ќе мора да се врати

t

Премиерот Димитар Ковачевски во интервју за австрискиот весник „Ди Пресе“ вели дека дезинформациите што во нашата земја се пласираат во контекст на актуелните политички случувања потекнуваат од трети земји кои не сакаат оваа земја да напредува и да се развива.

Ова е јасно финансирано од Русија. Затоа членството во ЕУ е наша стратешка цел. Тоа нуди слобода на критичко размислување, социјална правда и економски просперитет. Тоа го сакаат и луѓето во Македонија и во регионот, истакнува за „Ди Пресе“ Ковачевски.

Вели дека Република Македонија во целост ја спроведува одлуката на Советот на Европа за забраната за емитување на руските медиуми „Спутник“ и „РТ“, како што неодамна направија и САД, Велика Британија и други земји.

Македонија целосно ја усогласи својата надворешна политика со ЕУ. За прв пат воведовме санкции кон Русија, почнувајќи со оние од 2014 година, посочува Ковачевски.

Премиерот се осврна и на судскиот систем во земјава, кој, како што вели, е ослободен од политичко влијание.

Нашиот судски систем е ослободен од политичко влијание, истакнува во интервјуто за „Ди Пресе“, Ковачевски, одговарајќи на прашање поврзано со азилот во Унгарија на поранешниот премиер Никола Груевски, кој е правосилно осуден во нашата земја.

Ковачевски посочува дека Груевски е осуден, а против него се водат и други постапки.

Прашањето за политичкиот азил во Унгарија им се упатува на унгарските политичари, не мене. Еден ден тој ќе мора да се врати и да се соочи со својата казна, додава Ковачевски за австрискиот весник.

ПОВРЗАНИ ВЕСТИ

Вучиќ прогласи победа на изборите во Србија

Српскиот претседател Александар Вучиќ вечерва објави дека…

Арсенал оружје пронајдено во Богомила, приведено едно…

Дваесетгодишниот Б.Ј е приведен вчера откако при…

СКАНДАЛ ВО ГРЦИЈА! Припадници на Крајбрежната служба…

Најмалку десет лица се уапсени за трговија…

(Видео) КРОКОДИЛИ ПЛИВААТ ПО УЛИЦИ! Стравични последици…

Во северниот дел на австралиската сојузна држава…

ДУРИ И ГУВЕРНЕРКАТА НА ЦЕНТРАЛНАТА БАНКА НЕ…

Турција е на удар на висока инфлација…