Нехамер по средбата со Путин: Рускиот претседател не го признава масакарот во Буџа, вели тоа е напад под лажно знаме

Нехамер по средбата со Путин: Рускиот претседател сѐ уште одбива да го користи зборот војна

Разговорите меѓу рускиот претседател Владимир Путин и австрискиот канцелар Карл Нехамер во понеделникот, беше кратка според најновите стандарди за таквите средби, изјави за новинарите портпаролот на Кремљ, Дмитриј Песков.

Средбата се одржа резиденцијата на руските челници во Подмосковје, и беше без присуство на новинари. Според австриските медиуми, двајцата челници разговарале околу 90 минути.

Разговорт беше краток. Краток за стандардите, така да се каже, од последниот период“, рекол Песков за новинарите.

На барањето да ја коментира изјавата на австрискиот канцелар за отсуство на оптимизам по средбата, Песков рекол дека тој сѐ уште не е запознаен со исходот од резговорите и оти не може засега ништо да каже.

Нехамер, кој е првиот челник од Европската унија по почнувањето на офанзивата во Украина што се сретна со Путин очи в очи, изјави дека во текот на разговорите тој бил „остар и директен“.

Тоа не беше пријателска посета. Разговорот беше многу отворен, остар и директен. Мојата најважна порака на Путин беше дека војната конечно мора да заврши, бидејќи во војната двете стерани се губитници“, изјавил Нехамер додавајќи дека се надева оти дека тоа ќе помогне војната да биде приведена кон крајот и да се подобрат условите за живот на цивилите, соопшти претходно австриската влада.

Нехамер подоцна за новинарите изјавил дека се неопходни личните средби со Путин во врска со ситуацијата во Украина.

„… Според мене, таквото лично соочување е неопходно. Јавувањето (телефонско) е една работа, но поважно е да седнете еден наспроти друг, да се гледате в очи, да разговарате за ужасите на војната. Можеби тоа нема да донесе успех наскоро, но убеден сум дека секој придонес може да биде вреден и корисен кога во прашање мирот“, изјави Нехамер на прес-конференцијата во Москва по средбата со Путин којашто ја пренесуваше австриската телевизија Plus4.

Нехамер нагласи дека за време на разговорот со Путин, кој го оцени како директен, отворен и тежок, на рускиот претседател му рекол оти ЕУ ќе ги зајакне санкциите сѐ додека има нови жртви во војната, а се осврна и на неговите впечатоци од Буча.

Путин ги отфрли наводите за Буча тврдејќи дека нападите биле под лажно знаме во режија на украинската страна. „Путин во голема мера достигна ментална структура, чија логика ја одредува војната и тој постапува соодветно“, изјави Нехамер за австриските медиуми. Сепак, како што додаде, рускиот претседател сѐ уште одбива да го користи зборот војна.

Share on Facebook

Tweet

Follow us

Save