УЖАС: Најмалку 11 жртви и 18 повредени цивили при руско гранатирање во украински региони
Кабинетот на украинскиот претседател Володимир Зеленски соопшти за најмалку 11 жртви и 18 повредени цивили при руско гранатирање.
Во напад врз градот Первомајскји во североисточната украинска област Харков, загинаа осум лица, меѓу кои и 15-годишно момче, информираа украинските власти.
Гувернерот на областа Харков, Олег Синегубов изјави дека „бесмисленото гранатирање наликува на обид за заплашување на цивилното население“.
Во областа Доњецк, руските сили ги гранатираа градовите Краматорск, Славјанск и Торецк. За 24 часа загинаа три лица, а 13 се повредени. Станува збор за едно подрачје од четирите, каде властите воспоставени од Москва спроведуваат референдуми за пристапување кон Русија.
Руските сили вршеа напади и на градовите Никопол и Марганец, што се наоѓаат директно спроти нуклеарната централа Запорожје, под руска контрола, од другата страна на реката Дњепар, тврдат украинските власти.
Во Кривји Рих, родното место на Зеленски, руска крстосувачка ракета го погоди локалниот аеродром, оштетувајќи ја неговата писта. (МИА)
ПОВРЗАНИ ВЕСТИ
Дачиќ ја оцени како „дрска“ изјавата на…
Изјавата на министерот за надворешни работи на…
Според Календарот на МПЦ, денес се празнуваат…
Свети Никита Исповедник Роден е во Витинија…
,,Нетанјаху и неговата влада станаа егзистенцијална закана…
Израелскиот премиер Бенјамин Нетанјаху и неговата влада…
Специјализантите најавија дека и утре ќе штрајкуваат
Лекарите специјализанти вечерва донесоа одлука нивниот штрајк…
Дачиќ: Изјавата на Бујар Османи е дрска
Изјавата на министерот за надворешни работи на…