Објавено на:

Што се случува со реката Одра: Сѐ уште е непознат поморот на илјадници риби

t

Германските и полските власти се обидуваат да ја утврдат причината за масовниот помор на риби долж реката Одра, која тече меѓу двете земји.

Илјадници мртви риби се појавија долж стотици километри од реката од крајот на минатиот месец. Имаше сомневање дека жива влегла во водата, но тестовите покажаа дека нема присуство на жива.

На луѓето им е кажано да ја избегнуваат реката поради предупредувањата од германската влада за еколошка катастрофа. Но, активистите ги обвинија властите во двете земји дека не соработувале за брзо реагирање на катастрофата и заштита на луѓето.

Во петокот, полскиот премиер Матеуш Моравјецки отпушти двајца службеници за заштита на животната средина поради нивното справување со инцидентот. Тој објасни дека на почетокот се претпоставувало дека проблемот е локален, но подоцна се покажало дека е од многу големи размери.

– На реката може да и требаат години за да се опорави – додаде Моравјецки. Тој посочи дека огромни количини хемиски отпад биле фрлени во пловниот пат, без оглед на ризиците за дивиот свет.

Германската министерка за животна средина Штефи Лемке повика на сеопфатна истрага за инцидентот, велејќи дека властите одлучно работат на откривање на причината.

Одра генерално се смета за чиста река која е дом за четириесет автохтони видови риби. Но, официјален претставник во источната германска покраина Бранденбург рече дека резултатите од тестот покажале зголемено ниво на кислород во водата, што укажува на присуство на страна супстанција, која останува непозната.

Загрозени се и дабарите, птиците и патките.

ПОВРЗАНИ ВЕСТИ

Не е противуставно да бидам премиер, вели…

Претседателот на собранието Талат Џафери вели дека…

Битиќи: Да изгласаме техничка влада и уставни…

Потпретседателот на СДСМ, Фатмир Битиќи смета дека…

Галант: Израел не планира трајно да остане…

Израелскиот министер за одбрана Јоав Галант денеска…

Приведен скопјанец кој ја тепал партнерката

Скопјанец кој ја нападнал вонбрачната партнерка во…

Во водите на Дрим е пронајдена автоматска…

На 09.12.2023 во 13:50 часот во Полициското…