Aко не да го сменат името: Шведска и Финска мора да направат повеќе за да влезат во НАТО, бара Турција

Турција во средата соопшти дека Шведска и Финска презеле „позитивни чекори“ во борбата против тероризмот, услов што го постави Анкара за да го поддржи нивниот влез во НАТО, но дека треба да направат повеќе за да ги исполнат барањата на Анкара, рече денеска турскиот шеф на дипломатијата.

„Новата влада во Шведска е порешителна од претходната и тоа го прифаќаме со задоволство. Направија законски измени и сето тоа претставува позитивни чекори“, рече министерот Мевлут Чавушоглу на прес-конференција во Букурешт, на маргините на состанокот на НАТО.

Министрите за надворешни работи на Шведска, Финска и Турција се сретнаа во вторник на маргините на тој состанок. Но, турскиот министер додаде дека без оглед на „убавите зборови и одлучноста“ на двете нордиски земји, Турција сепак очекува „конкретни мерки“.

Турција ги обвинува Шведска и Финска за попустливост кон Курдистанската работничка партија (ПКК) и нејзините сојузници, како што се Единиците за заштита на народот (ЈПГ), и од мај го блокираше влезот на двете нордиски земји во Атлантскиот сојуз.

Шведска и Финска поднесоа барање за влез во НАТО во мај како одговор на руската инвазија на Украина.

Унгарија, освен Турција, единствената земја во НАТО која не го ратификуваше влезот на Шведска и Финска, изјави дека тоа ќе го направи во првиот дел од февруари 2023 година, изјави за новинарите во средата во Букурешт шефот на финската дипломатија Пека Хаасвисто.

Тој додаде дека Турција се уште не одредила датум.

Share on Facebook

Tweet

Follow us

Save