Eве како ќе функционира Европската втора лига!

t

Европската политичка заедница, или „втора лига“ како што беше наречена во дел од медумите, за која се залага францускиот претседател Емануел Макрон, би била отворена за европските држави кои споделуваат заеднички демократски вредности, без разлика дали се членки на Унијата или не, и нема да биде замена за проширувањето или проширувањето ниту за паневропските организации и процесите на соработка, се наведува во неофицијален француски документ, во чија содржина увид имала агенцијата Бета.

Не е членство, ама ќе ги зајакне врските

Европската политичка заедница, како што е предложено, би имала форма на лесна правна структура која одлучува, истовремено почитувајќи ја автономијата на одлучување на ЕУ и секоја земја-членка и би се состанувала неколку пати годишно на ниво на шефови на држави или влади.

Тоа не би била алтернатива за членството во ЕУ, ниту замена за процесот на проширување, туку напротив, затоа што ќе им овозможи на европските земји кои сакаат да се приклучат на Унијата да ги зајакнат врските со земјите-членки на ЕУ пред пристапот, се појаснува во францускиот предлог.

Побрзо ќе се решаваат храната, криминалот, безбедноста..

Европската политичка заедница ќе ги зајакне политичките, економските, културните и безбедносните врски меѓу нејзините членки и ова ќе биде форум за координација, донесување одлуки и проекти за соработка за да се одговори на конкретен начин на предизвиците со кои се соочуваат сите земји на европскиот континент: надворешни прашања и безбедносни политики, климатски промени и снабдување со енергија и други суровини, безбедност на храна, развој на инфраструктура и меѓусебно поврзување, мобилност, миграција, борба против организираниот криминал, односи со други геополитички актери.

Во текстот се наведува и дека заедницата нема да биде замена за Советот на Европа, ОБСЕ или трансатлантските односи.

Годинава да имаме „втора лига“

„Причината за нејзиното воспоставување е што политиката на проширување на ЕУ, поради барањата за реформи неопходни за пристапување во ЕУ и неопходното времетраење на процесот, денес не ја нуди потребната политичка рамка која би можела да одговори на итните историски и геополитички потреби и да развие политичко структуирање на европскиот континент“, се вели и се додава:

„Затоа предлагаме оваа година да се создаде европска политичка заедница меѓу сите европски земји кои сакаат заеднички да придонесат за безбедноста, стабилноста и просперитетот на континентот“, се наведува во францускиот документ.

Таа заедница би била отворена за европските држави кои споделуваат заеднички збир на демократски вредности, без разлика дали се членки на Унијата или не и без оглед на природата на нивните сегашни односи со Европската унија.

Францускиот предлог за формирање на европска политичка заедница треба да се расправа на Европскиот совет на 23 и 24 јуни, кога на дневен ред ќе се најдат барањата за членство на Украина, Молдавија и Грузија во ЕУ.

ПОВРЗАНИ ВЕСТИ

НОВА КОНТАКТНА ЕМИСИЈА НА ИНФОМАКС ОД СРЕДА!

На барање на гледачите од среда, 13.12.2023…

Кавадарци вечерва е најзагаден град во Македонија

Кавадарци, Струмица, Велес, Битола вечерва се меѓу…

Роџерс не ја отфрла можноста за трансфер…

Селтик почнува сѐ посилно да се поврзува…

Сингапур и Цирих најскапи градови во светот

Годишното истражување за трошоците на животот на…

Поради сообраќајна несреќа во прекин е сообраќајот…

Сообраќајот на превојот Плетвар, на магистралниот пат…