Прототип на суперсоничен патнички авион на новата генерација може да се појави во 2023 година моделиран по борбениот авион МиГ-29, изјави генералниот директор на Централниот аерохидродинамички институт (ЦАГИ), Кирил Сипало.
„Според нашите пресметки и расположливите финансиски средства, таков прототип треба да се појави до 2023 година. Јасно е дека овој експериментален авион е поевтин и поедноставен за градење врз основа на ддруг авион, бидејќи главната цел е да се провери исправноста на избраните критични категории за време на експерименталниот лет. Ова значи: аеродинамичен изглед, локација, форма и големина на внесот на воздух и слично“, рече Сипало.
Според него, најверојатен модел ќе биде МиГ-29, заедно со стандардните мотори и системи со кои е опремен.
„Се разбира, во овој случај, не можеме да зборуваме за вистински суперсоничен патнички авион, тоа е само прототипр“, рече тој.
МиГ-29 е руски, односно советски боpeц од четврта генерација, дизајниран да уништи летала во сите метеоролошки услови.
Се карактеризира со тоа што, во однос на сите други видови на советски / руски борбени авиони, претрпе најголема трансформација во усовршување, од основна до најмодерна варијанта.