Професорката Билјана Ванковска критички гледа на панаѓурската прослава на Рамковниот Договор. Имено таа вели дека поминаа 17 години од трауматичната 2001, а сега не убедуваат дека ако не се случела ќе требало да ја измислиме. Слабото сеќавање забележа Ванковска, направи мнозина да поверуваат дека војната е корисно средство за развој на државата.
Ванковска истакна дека многу брзо сме ги заборавиле раселените, загинатите и исчезнатите, се во име на мирот и европските интеграции. Таа напомена дека командант на терористичката УЧК нелегално беше избран за претседател на Собраниет, а неговиот колега терорист од Липково и понатаму се заканува со војна доколку Македонија не го промени своето име.
За крај таа заклучи дека ништо добро и корисно не произлегло од Рамковна Македонија, а истото ќе се случи и со Северна. Според Ванковска од овие два договора не вирее ништо, ниту развој, ниту економија, ниту социјална правда, ниту човеков права. Се што овие два договори донеле и ќе донесат е злоупотреба на буџетот, распад на институциите, кршење на човекови права односно самоуништување.
