Британски хуманитарен работник бил убиен од граната во Авганистан за време на неуспешна спасувачка мисија на специјалните сили на САД во обид да го спасат хуманитарниот работник, кој всушност работел за Британската разузнавачка служба МИ-6, пренесуваат медиумите
Линда Норгров била заробена од Талибанските бунтовници во источен Авганистан во септември 2010 година, додека работела за американската агенција за Развој и Алтернаиви (ДАИ). Во ноември 2010, покрај стравувањата дека ќе биде пренесена во Пакистан од страна на нејзините грабнувачи, специјалните сили на САД лансирале спасувачка мисија која резултираше со нејзина смрт од граната која ја фрлил еден од специјалците.
По опсежната истрага во досиеата на специјалците од единицата „Фоки“, во кој се споредува нивното јавно „херојско“ лице со бројните обвинувања за воени злосторства, истражителите пронашле голем број на докази од високи воени претставници и разузнавачки информации дека всушност Линда работела како агент на МИ-6.
Истражителите велат дека истрагата открила дека околу Норгров имало голем интерес, имајќи во предвид дека додека работела во Авганистан како хуманитарец во невладина организација на САД, тоа всушност било само параван за нејзината операција како агент на МИ-6.
