Руската војска во иднина ќе може да се пофали со најнапредните војници на сите времиња. „Ратник-3“ ќе бидеопремен со егзоскелетон и технологија која може да поднесе нуклеарна експлозија
Русија веќе одмана не импровизира и ова воено одело од иднината е уште еден доказ. Потполно новата опрема се развива за руската војска. Олег Фаустов ќе биде дизајнерот на овој најнов модел на т.н. „Ратник-3“ кој ќе биде достапен за руската војска во 2022. година.
„Ова потсетува на Војна на ѕвездите, но тоа е прототип на борбено-оклопното одело кое ќе им даде предност на војниците во иднина“, пишува Дејли Мејл.
„Напредната опрема вклучува егзоскелет дизајниран за зголемување на силата и издржливоста, панцир и оклоп кој може да издржи и нуклеарна експлозија. Опремата исто така вклучува и шлем од иста врста, кој наликува на Стормтруперите од Војна на Ѕвездите со затемнет стаклен визир и мини светилка прицврстена на страна“.
Со вкупна тежина од 24 килограми, овој нов оклоп има и педесетина нови елементи во однос на претходната верзија, вклучително и пешадиско оружје, снајперско оружје, најсовремен начин на комуникација и навигација. Часовникот вграден во оделото ќе може да ги „задржи сите својства по влијание на зрачење и електромагнетен импулс, како на пример при нуклеарна експлозија“.
