Еден од најдобрите кошаркари на просторот на поранешна СФР Југославија на сите времиња, Владе Дивац, ноќеска и официјално стана дел од Куќата на славните на НБА во Спрингфилд како дел од Класата 2019.
Србинот го украде шоуто на претставување на новите членови на друштвото на бесмртните, а со својот говор, во кој говореше и за Балканот, ги разнежи срцата на сите присутни.
„Ние Балканците сме како дисфункционално семејство. Се караме, дискутираме, но на крајот, сепак, сме семејство. За мене кошарката секогаш била околу љубовта, а среќа имав добар агент па успеав и да заработам нешто низ годините“, изјави меѓу другото Дивац, кој осум сезони настапуваше за ЛА лејкерс, а шест за Сакраменто кингс.
Заедно со поранешниот центар на Партизан, во Куќата на славните влегуа уште и Џек Сикма, Сидни Монкриф, Пол Вестфал, Боби Џонс, Ал Атлс, Тереза Витерспун, Бил Фич, како и Чак Купер и Карал Браун постхумно.
Извор: Sport1.mk
