Најмалку 48 јеменски војници денес се убиени, а повеќе од десетина се ранети во Аден, во напад на бомбаш-самоубиец припадник на ИСИС, јавуваат агенциите повикувјаќи се на воени претставници и лекари
Мета на нападот биле припадниците на војската кои се собрале да ја подигнат платата во близина на базата на североистокот на Аден. Бомбашот-самоубиец незабележан влегол меѓу војниците додека чекале пред куќата на шефот на специјалните сили за Аден, полковникот Насер Сареа, во близина на базата Ел Савлабан, а потоа се разнел.
„Бројот на убиени порасна на 48, а ранети се уште 84 припадници на војската“, рекол за АФП шефот на здравствената служба во Аден Абдел Насер ел Вали.
https://www.youtube.com/watch?v=VN7jF8N6SHM
Вали првично рекол дека има 40 загинати војници, но предупредил дека тој број најверојатно ќе расне поради тоа што некои се наоѓаат во критична состојба. Сареа рекол дека бомбашот го „искористил собирот и детонирал експлозив додека бил меѓу нив“. На местото на експлзијата може да се видат крави локви и расфрлани чевли, наведува АФП. ИСИС презема одговорност за нападот, а во соопштението е наведено дека бомбашот-самоубиец, „кој сакал да стане маченик“, поминал низ контролниот пункт пред да се разнесе. Во Ел Савлабан пред осум дена е извршен сличен напад во кој беа убиени 48, а ранети 29 војници. Јеменските власти со месеци водат кампања против џихадистите кои се активни на југот и истокот на сиромашниот Јемен. ИСИС и нивниот терористички ривал Ал Каеда го искористиле судирот помеѓу властите во Јемен и Хутите кои ја контролираат престолнината во Сана да го засилат присуството во јужниот дел на земјата.
