Снежна покривка од неколку сентиметри го покри патниот правец Стража – Кичево вечерва, откако се исполнија предвидувањата на метеоролозите дека овој викенд ќе започнат првите врнежи од снег годинава
Во моментов на Стража паѓа снег, а сообраќајот е значително успорен. Од АМСМ препорачуваат внимателно возење на патните правци на повисоките места.
За утре од УХМР највуваат дека врнежите ќе имаат значително пообилен интензитет, особено во јужните и источните делови. На планините и на некои повисоки места ќе се формира снежна покривка. Нов влажен бран со пообилни врнежи претежно од дожд се очекуваат во вторник.
Да потсетиме, од завчера стапи на сила законската обврска за задолжително поседување на зимска опрема во возилата, без оглед на временската состојба.
