Жителите од помалите населби, на околу 40 километри источно од Рим, денеска беа евакуирани поради пожар што избувна во време кога главниот град на Италија се соочува со температура од околу 37 степени Целзиусови.
Делови од јужна Италија горат веќе неколку недели, а пожарот имаше во шумите на Калабрија, како и на островите Сицилија и Сардинија.
Во средата, температурата на југоисток на Сицилија достигна речиси 49 Целзиусови степени, што е највисоката температура некогаш забележана во Европа, пренесува Ројтерс.
Пожарот сега се движи кон север, а во текот на ноќта 25 семејства беа евакуирани од своите домови, бидејќи пожарите се проширија низ природниот резерват Монте Катило, во близина на римското предградие Тиволи.
Inferno di fuoco a #Tivoli, incendio di enormi dimensioni sta divorando il Monte Catillo: evacuate nella notte oltre venti famiglie#13agosto #BURN #Roma pic.twitter.com/sMVgpnNghh
— Inews24 (@inews__24) August 13, 2021
30 жители на домот за запоставени деца исто така беа евакуирани како мерка на претпазливост поради пожарот, потврдено е од противпожарната служба.
#Tivoli, #incendio nell’area della Riserva Naturale Monte Catillo: 7 squadre di #vigilidelfuoco e un #canadair sono in azione sui due fronti ancora attivi, a Marcellina e a San Polo dei Cavalieri. Operazioni di spegnimento in corso [#13agosto 8:30] pic.twitter.com/JEnUH2IBuv
— Vigili del Fuoco (@emergenzavvf) August 13, 2021
Наводно, шумските пожари избувнале во текот на ноќта во близина на градот Отранто, во југоисточна Италија, каде што поради чад евакуирано е блиското приморско одморалиште, а крајбрежниот пат јужно од Отранто е затворен за сообраќај.
Вчера, премиерот Марио Драги вети финансиска помош за заедниците погодени од пожарите, и акционен план за обновување на уништените шумски површини, како и напори за зголемување на способноста на Италија да одговори на природните катастрофи кои најмногу ги загрозуваат руралните области.